kondicionerebi.ge დამოუკიდებელი გზამკვლევია - არ ვყიდით კონდიციონერებს და არ ვმონტაჟობთ. ჩვენი საქმეა, რომ 649-დან 3000 ლარამდე დიაპაზონში სწორი არჩევანი გააკეთო.
ყოველი რეკომენდაციის უკან სამი რამ დგას: რეალური ტესტები, ღრმა კვლევა და მყიდველების გამოცდილება.
სამი წყარო, რომელთა თანხვედრაც განსაზღვრავს ჩვენს შეფასებებს - არცერთი ცალკე არ არის საკმარისი.
პოპულარულ მოდელებს ვამონტაჟებთ და ვაკვირდებით რეალურ ბინებში - ვზომავთ ხმაურს საძინებელში ღამით, დენის ხარჯს მრიცხველით და რამდენად სწრაფად აგრილებს ოთახს ივლისის პაპანაქებაში. სპეციფიკაცია ერთია, ქართული ზაფხული - მეორე.
ყველა მოდელს, რომელსაც ფიზიკურად ვერ გავტესტავთ, ონლაინ ვიკვლევთ: მწარმოებლის ტექნიკური დოკუმენტაცია, საერთაშორისო ლაბორატორიების ტესტები, სერვის-ცენტრების სტატისტიკა. ფასებს ქართულ მაღაზიებში ყოველკვირეულად ვამოწმებთ.
ვაგროვებთ გამოხმაურებას რეალური მფლობელებისგან - რა გაუფუჭდათ მეორე წელს, როგორ მოიქცა გარანტია, გამოძახებაზე მოვიდა თუ არა სერვისი. თუ ბრენდი ქაღალდზე კარგია და ცხოვრებაში პრობლემურია, ეს რეიტინგში აისახება.
საიტი შეიცავს პარტნიორულ ბმულებს: თუ ბმულით გადახვალ და იყიდი, მაღაზია მცირე საკომისიოს გვიხდის - შენთვის ფასი იგივე რჩება.
საკომისიო ერთნაირია ბრენდების უმეტესობაზე, ამიტომ მოტივი „ძვირი მოდელი შეგაჩეჩოთ" არ გვაქვს. რეიტინგებს ჯერ ვწერთ - ბმულებს მერე ვამატებთ, და არა პირიქით.
მფლობელების გამოხმაურება ჩვენი რეიტინგების ერთ-ერთი საყრდენია. მოგვწერე, რა მოდელი გაქვს და როგორ ემსახურება - განსაკუთრებით თუ პრობლემა ჰქონდა.